Pembelajaran Bahasa Madura Kelas 6: Simak Materi Pangajharan 1 Kurikulum Merdeka Lengkap

Parlo ekaonenge jha’ saongghuna baca’an (wacana) acem-macem salasettongnga engghi paneka baca’an se aghanḍhu’ berta otaba kabhar,
jhughan pangaonengan (teks informasi). Neng lalampa’an paneka bhaḍhi
ejharba’aghi bhab katerrangan baca’an se aghanḍhu’ berta otaba kabhar,
jhughan pangaonengan (teks informasi). Sae bhab macemma, tanḍhatanḍhana, jhughan bagiyan-bagiyanna.

Jhajharba’an

Bhab Narasi Informatif/Ekspositoris
Narasi informatif/ekspositoris engghi paneka baca’an se anḍi’ tojjhuwan
ka’angghuy maḍapa’ kabhar/berta, bhab kadhaddhiyan otabana
pangaonengan. Neng baca’an narasi informatif/ekspositoris aesse
parkara/kadhaddhiyan se ongghu-ongghu baḍana (fakta).
Maos patete contona baca’an se aghanḍhu’ kabhar/berta, jhughan
pangaonengan (Narasi Informatif/Ekspositoris) e baba paneka!
Rontoddha Kakanna keban (rantai makanan)

Kadhaddhiyan ngakan otaba ekakan keban kalaban rontoddhanna neng
bhasa Indonesia esebbhut kalaban rantai makanan. Parlo ekaonenge jha’
saongghuna settong keban kalaban keban se laen paḍa saleng
ngaparlowaghi. Neng rontoddha kakanana keban (rantai makanan), baḍa se

esebbhut kalaban produsen, konsumen, jhughan pengurai. Produsen engghi
paneka mahlok oḍi’ se bisa aghabay kakanan dhibi’. Akadhi paḍi, jhaghung,
jhughan bu-tombuwan se laen.
Konsumen paneka acem-macem, baḍa se esebbhut kalaban konsumen
1, konsumen 2, konsumen 3, sareng saterrossna ghumantong ḍa’ ka
kaparlowanna rontoddha kakanana keban. Konsumen 1 engghi paneka
keban se ngakan bu-tombuwan akaḍhi tekos se ngakan paḍi otaba
jhaghung. Konsumen 2 engghi paneka keban se ngakan konsumen 1 akaḍhi
olar se ngakan tekos. Tekos esebbhut konsumen 1, ḍhineng olar esebbhut
konsumen 2. Dhineng konsumen 3 engghi paneka keban se ngakan
konsumen 2 akaḍhi mano’ ellang se ngakan olar. Olar esebbhut konsumen 2,
ḍhineng mano’ ellang esebbhut konsumen 3.

Sa’amponna konsumen 3 otabana saterrossa, taḍa’ se ngakan pole,
otabana aropa’aghi konsumen se ḍi-buḍi, konsumen ghella’ pas mate ḍhibi’
bucco’ e tana. Se ngoba bucco’na keban se mate, kantos ḍhadḍhi tana
esebbhut kalaban pengurai. Sa’amponna patena keban se bucco’ ghella’
ampon eyoba ḍhadḍhi ḍhu-lanḍhu kalaban pengurai, ḍhu-lanḍhu kasebbhut
aghuna ka’angghuy matombu jhenno bu-tombuwan se esebbhut kalaban
produsen ghella’.
Ḍhadḍhi kalaban baḍana rontoddha kakanna keban (rantai makanan),
langkong sae kaula sareng sampeyan sadhaja ajaga’a kalangghenganna
keban se baḍa. Sabab keban-keban se ghella’ paḍa saleng ngontongaghi.
Ompamana, olar koḍhu ejaga kalangghengnganna jha’ sampe’ lar-olar
epegha’, otaba ejhuwal kantos baḍana olar kare sakone’. Sabab manabi olar
sakone’, tanto tekos sajan bannya’. Manabi tekos sajan bannya’, tanto perghi
paḍi, otaba jhaghung, taḍa’ ekakan tekos. Kantos hasella sakone’.

Lanjutkan pelajari pada buku paket yang dapat didownload melalui link buku paket dalam artikel ini.

essena Buku

Pyatoran Pangangghit ………..................................... v

Pyatoran Penyelia/ Penyelaras.................................. vi

Pyatoran Kakandiknas Provinsi Jatim ....................... vii

SEMESTER 1

Pangajharan 1 Tema :

Selamatkan Mahluk Hidup …………………………....................... 1

Pangajharan 2 Tema: